الرئيسية / ويكي هاو كيف / كيف تكون سعيدا
كيف تكون سعيدا

كيف تكون سعيدا

التقييم :
1 Star2 Stars3 Stars4 Stars5 Stars (No Ratings Yet)
Loading ... Loading ...

السعادة , كيفيتها , كيف تكون سعيدا

السعادة … هي الشيء اللي كلنا بنبحث عنه

رغم اختلاف أجناسنا وأعرافنا

الا ان كلنا بنبحث عن السعادة 🙂

والحقيقة ان مصدر السعادة بيختلف من شخص لأخر

في ناس السعادة عندها في جمع المال

وناس سعادتها في النجاح

وفي ناس سعادتها في انها تحب وتتحب

وناس سعادتها في رضا ربنا

وناس سعادتها انها تكون وسط أهلها

وممكن ناس ميكنش عندها اي حاجة من الحاجات دي وتكون سعيدة

عشان كده  مفيش مفهوم معين للسعادة

ومع ذلك فان  العلماء أجمعو ان السعادة تكون في “الرضا ”

مدي رضائك عن نفسك وعن حياتك

أغلبنا متخيل ان السعادة  او عدم السعادة بيكون علي حسب الظروف اللي بتمر بيها

لكن الدراسات أوضحت ان 40% من مشاعر السعادة بتحددها سلوكك وافكارك

و 50 % من شعور السعادة تحددها عوامل جينية

و 10% فقط تحددها الظروف

معني كده ان احنا بايدينا نكون سعداء او لا

السعادة تبدأ دائما من الداخل فحاول ان تنميها بداخلك

اذا أردت ان تكون سعيدا فلا تنظر الي ما أعطاه الله لغيرك

أحمد ربنا دايما علي الحاجة اللي معاك وحاول انك تنميها وتطورها

أعرف  ان الانسان زي البطارية بتشحنه دايما بالطاقة

الطاقة دي اما ان تكون ايجابية أو سلبية

فلو كنت ذو نظرة تشاؤمية ناقم علي عيشتك دائما عابس

فأعرف ان ولا اي حاجة حتكون مصدر سعادة ليك لاننا زي ما قولنا

ان السعادة بتبدأ من جواك من الطاقة اللي انت مشحون بيها

وكل ما تكون الطاقة اللي انت مشحون بيها ايجابية حتجذب لحياتك كل ما هو ايجابي والعكس

من الحاجات المهمة بردو هي “النية ” لازم تكون نيتك من جواك انك تعيش سعيد بكل حاجة ترضي ربنا وفتها حتكون سعيد

لا تضخم وتصعب من حجم المشكلات بسط كل شيء

فكل صعب ولو نهاية  ..وكل كرب وله فرج

وكل عسر ومعه يسر

عش فالدنيا كغريب عنها فمهما كان فيها من صعوبات وابتلائات  فأنها زائلة

وربنا خلقنا لعيش اخر هو “عيش الاخرة ”

وأجمل ما في السعادة هو أن تحمد الله علي كل كبير وصغير

عندها فقط ستشعر بمعني السعادة

والاستغفار كثيرا “امليء كل لحظات انتظارك بالاستغفار ” ستشعر بالسعادة

حاجة تانية احب اكلم فيها هي ان كل ما تركز علي حاجة حتحصل

طول ما حتركز علي هدفك وتشحن نفسك بشحنة ايجابية حتلاقي أهدافك اتحققت بأذن الله

ومع ذلك يجب أن يكون هناك رضا بالقضاء والقدر وان الخيرة دائما فيما أختاره الله

حاول  ان تكسر روتين الحياة .. حاول أن تجدد من حياتك دائما

حاول ان تكون شخص اجتماعي محبوب بين الناس

حاجة كمان معرفش ليه الناس لما تكون فرحانة او بتضحك تقول ” اللهم  أجعله خير ”

وكأن لابد ان يعقب هذا الفرح حزن … نحن من شحنا بداخلنا تلك القناعات فعلينا التخلص منها

عيش كل لحظة كما هي ولا تفكر فيما هو آت

وأهم حاجة حسن الظن بالله والتوكل عليه

يعني لما تحدد لنفسك هدف وتسعي اليه

خلي يقينك بان ربنا حيوفقك وحيقف معاك

” أنا عند طن عبدي بي ”

كلما ظننت في الله خيرا وفقك الي افضل مماتتمناه

حاول أن تبتعد عن مشاعر الاحتياج فالشخص المحتاج دائما مشاعره سلبية

أقنع نفسك دائما بأنك علي احسن حال وأن الله أعطاك من النعم مالايعد ولا يحصي

دايما حاول أن تفرغ اي طاقة سلبية جواك بالصلاة والقرآن ا بانك تلعب رياضة

المهم ان الطاقة السلبية دي تفرغها بالكامل

متكتمش اي مشاعر سلبية جواك طلعها بس من غير ما تستسلم للحزن

يعني فالوقت اللي بتخرج فيه الطاقة السلبية اللي جواك لازم تشحن نفسك بطاقة ايجابية

أنت من يقود نفسك  وليست هي التي تقودك

تحكم في انفعالاتك ورغباتك حاول دائما أن تهذب نفسك

أدعو الله لي ولكم بالسعادة والفرح وراحة البال 🙂

 

 

عن amira hesham

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى