حديث مع النفس

التقييم :
1 Star2 Stars3 Stars4 Stars5 Stars (No Ratings Yet)
Loading ... Loading ...

حديث مع النفس

من منا لم يتحدث يوما لنفسه ؟!!

من منا لم يجلس يوما مع نفسه يشكو اليها ؟!

والغريب انهم بيقولو علي الانسان اللي بيكلم مع نفسه مجنون

والواقع ان كلنا بنكلم نفسنا مش لاننا مجانين

لكن بيكون في وقت محدش حيفهمك فيه غير نفسك

محدش حيشعر بوجعك غير نفسك

محدش حيطبطب عليك غير نفسك

فمش بتحتاج ان اي حد تكلم معاه غير نفسك

والحقيقة اللي توصلها علماء النفس

ان الحديث مع النفس هو أحد أنجح الطرق لعلاج مشاكلك

فهل يوجد أصدق من نفسك لتتحدث معها بكل صراحة ووضوح؟ !!

الفكرة بقي هي ايه الطريقة اللي حتتكلم بيها مع نفسك

في واحد بيكلم نفسه بطريقة سلبية ويشحنها بشحنة سالبة

يعني انك تفضل تقول  “أنا فاشل ”  “أنا محدش بيحبني ”

“أنا لا اقدر ” “مفيش أمل ”  طبعا الشخص ده حكم علي نفسه بالفشل

لانه بدل ما يكلم معاها ويستمد منها الثقة والارادة شحنها بشحنة سالبة

فجعل الفشل حليفه !!

وفي شخص أخر بيكلم مع نفسه “بلكن ”

“انا كان نفسي أعمل كذا لكن …. ”

” انا عايز اعمل كذا لكن خايف افشل ”

الشخص ده بردو بيشحن نفسه بشحنة سالبة لانه حط كلمة “لكن ” امام نفسه كحائل للنجاح

وفي شخص بيتكلم مع نفسه بطريقة ايجابية  ويشحن نفسة بطاقة من الامل والطموح

يعني يقول ” ان شاء الله حنجح واكون متفوق ”

“انا متفائل ” “انا ححقق أحلامي ”

الشخص ده مليء نفسه وعقله الباطن بكلمات ايجابية

كانت زي الوقود اللي حيشحنه للنجاح والتفوق والوصول الي احلامه

الواحد ممكن يكلم مع نفسه من باب الفضفضة

انك تشكو لنفسك … وطبعا مفيش أريح من نفسك عشان تفضفض لها

يؤكد علماء النفس ان الفضفضة علي الورق تساعد علي منع الامراض

أكتب كل مشاعرك  واي حاجة انت حاسس بيها

أكتب لنفسك كلمات تطيب بيها ألمك

طبطب علي نفسك فهي تستحق منك ذلك

والكتابة علي الورق من احسن الطرق اللي بتعبر فيها عن مشاعرك

بالكتابة بتعرف تحدد أفكارك ومشاكلك وممكن كمان توصل بالكتابة للحل

وياريت تكتب حاجات ايجابية لنفسك تكون بالنسبة ليك كلمات تستمد منها الشحنة الايجابية

حب نفسك لانها أكتر حد يستحق حبك واهتمامك

عن amira hesham

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى