الرئيسية / قسم البنات / متحطيش صورتك على الفيس بوك او انستقرام
متحطيش صورتك على الفيس بوك او انستقرام

متحطيش صورتك على الفيس بوك او انستقرام

التقييم :
1 Star2 Stars3 Stars4 Stars5 Stars (No Ratings Yet)
Loading ... Loading ...

مقدمة : قبل اي حاجة ( معلومات عني )

انا احمد ممدوح طالب بكلية طب الاسنان بحب البرمجة زي عنيا

شيطان اخرص او مش سهل ” على رأي احد الزملاء ”

كاره الواقع منتقد ليه ودايما بحس اني اتولدت فى زمن غير الزمن اللى كنت عايز اتولد فيه

احمد اسمي وبتمني يكون صفتي

احداث : مواقف حصلت بجد

الموقف الاول ( فى اسكندرية ) :

نازل الشارع رايح اشتري حاجة لقيت واحد صحبي ” فلان ”

انا : ازيك عامل ايه ؟

هو : الحمد لله

انا : ايه ياعم رايح فين كده

هو : رايح ادي الفلاشة ديه لفلان نقله شوية حاجات

انا : ياراجل مش تقولي انك عندك افلام ” على اساس توقعي ” انا عمال ادور على حد عنده افلام اجنبي …

” وقبل مااخلص الكلام ”

هو : بس ديه مش افلام اجنبي

انا : امال الفلاشة ديه عليها ايه ؟

هو : عليها صور البنت ” كذا ” كنت مجمعها وهو عايزهم

صمت .. سكون .. ابتسامة .. رد بكلمة طيب

الموقف التاني ( في القاهرة على قهوة ) :

فى طريقي الى القهوة انا وواحد من افضل اصدقائي فوجدت احد الاصدقاء جالس وظهره لي فخطونا انا وصديقي بخطوات لا تسمع حتي نفاجئه من الخلف وبمجرد ما ان اقتربنا وجدنا التالي :

ماسك الموبايل وقاعد جنب واحد صحبه عامل زوم على ” منطقة الصدر ” على صورة بنت عند صاحبه – اللى قاعد جنبه – على الفيس بوك

هو : بس البت ديه تلاقيها بتلعب كورة حلو اووي

صاحبه ( بضحك كده ) : ليه ؟

هو : اصل صدرها كبيرها وهتعرف تستلم الكورة بيه حلو اوووي

الاتنين فى آآن واحد ” هاهاههاهاهاهاههاهاهاههاها …………. ”

وبالطبع لكم ان تتخيلو ماذا فعل عندما تفاجئ بي انا وصديقي نقف فى خلفه وكيف ارتبك !

الموقف التالت ( فى اسكندرية ) :

بعد صلاة الجمعة متجمعين انا واصدقاء الكلية

فلان واحد : هي البنت ” كذا ” قلعت الحجاب صح ؟

فلان اتنين : ايوة ياعم

فلان واحد : هي قطرية صح ؟

فلان اتنين : لا اردنية … قطرية ايه ! ” رد مصحوب بثقة غريبة ”

انا : ايه ياعم الثقة ديه !

فلان اتنين : عيب عليك ياعم ممدوح ده رقم موبايلها معايا كمان

فلان اتنين يكمل : ديه بتنزل صور ياض يا ” فلان واحد ” تجيب عليهم وانت بتتفرج بس

صدمة .. استعجاب .. ضحك مصحوب باستياء

ملحوظة بسيطة : لو مش فاهمة آخر جملة فلان اتنين قالها متحاوليش تفهميها بس تأكدي اني معناها سئ جدا

الموقف الرابع ( اثناء حديثي مع احدي الزميلات ) :

هي : هو صحيح الولد اللى معاك فى الصورة ديه صاحبك

انا : اه .. ليه في حاجة !

هي : هو اسمه علي ” ملحوظة : ده مش الاسم الحقيقية “

انا : اه

هي : يااااااااااه .. الدنيا ديه ضيقة اووي .. اصلي لقيته عاملي فولو على انستقرام

انا : ممم ” مع سؤالي لنفسي .. ازاي علي وصل ليها وهي مش عندي لا على فيس بوك ولا على اي حتة وكمان انا مبستخدمش اي وسيلة تواصل من ديه .. غريبة ! ”

ولاستكمل مابداخلي من استياء ” هو علي وصللك انتي كمان ! .. طبعا لخلفيتي السابقة عن علي وعن طريقة استخدامه للمواقع ديه وطريقة رؤيته للبنات وطريقة تعامله مع صور البنات ”

انا : حاولي متحطيش صورك على النت احسن ليكي

هي : لا طبعا ايه ده ! .. وبعدين على فكرة علي صحبك مأذنيش فى حاجة انا بس مستغربة انه ازاي عرفني

انا : ماهو طبعا مش هيأذيكي .. بس عشان عارف هو بيعمل ايه لما بيلاقي واحدة حاطة صورها بقللك بلاش !

هي : ايه الفكر العبيط ده

انا : تمام

الموقف الخامس ( على احدي مواقع الانترنت ) :

بالصدفة اثناء تصفحي لاحدي مواقع الانترنت وجدت صورة لبنت اعرفها انا شخصيا موجودة على احدي الحسابات بغرض التجارة بالمال !

اكونتات من نوعية ” اشحنلي وامتعك ” وطبعا مش محتاجة اقول انه اكونت مزيف

4091012b97a467e936344319afd810d6_1024

انفوجرافيك : اتفرجوا على الاسكرين شوتس ديه

ده محتوى صور بيتعرض فى واحد من اكبر المواقع الاباحية فى العالم كله :

123

طبعا زي ماشايفين نوعية الصور المعروضة وطبعا الكلام عليها

الصور المعروضة ديه لصور بنات ماشية فى الشارع عادي اللى هو ممكن تكوني انتي واحدة منهم وتم تصويرهم وهما مش واخدين بالهم وبيتم عرضها على المواقع الاباحية كمحتوى اباحي وطبعا كمية الـ views عليها على اساس انها محتوى اباحي بتبقي كبيرة جدا

وده مثال لصورة كبيرة شوية

4

وده مثال لصورة عادية لواحدة من البنات ” صورة بروفايل طبيعية زيها زي صور كتير بنات بتحطها لاصحابها على الفيس بوك ”

5

وديه نفس الصورة بعد ما محترف فوتوشوب عدل عليها :

67

وده مثال بيظهر كلمات البحث فى جوجل واللى بتبين عقلية الباحث العربي :

8

ملحوظة : كل الصور التي تم عرضها بالاعلي معروضة بالفعل فى احد اكبر المواقع الاباحية وتم تشفير الصور منعا لخدش الحياء

المغزى والاستنتاج :

في عادات فى حياتنا ممكن نكون شايفنها عادية .. تافهة .. بسيطة .. ناس كتير بتعملها وبالتالي احنا كمان بنعملها العادات ديه زي انك تحطي صورتك باي شكل من الاشكال وان شايفة اني الموضوع عادي وانه اكيد العالم كله مش هيسيب كل البنات وياخد صوري انا وانه ده فكرة رجعية ومش صح واني ديه عادة – حتى وان كانت غلط – ففيه ناس كتيرة بتعملها

الرد :

البنات اللى موجودين فى الصور اللى تم عرضها مش على دراية اصلا باللي بيحصل .. فانك تصوري فى الشارع وانتي مش واخدة باللك ديه حاجة خارجة عن ارادتك ومع ذللك بيتم استخدامها بابشع الصور

والبنات اللى بيتاخد صورهم ” صور البروفايل ” وبتتركب على صور اباحية كانو زيك برضه فاكرين اني الناس مش هتسيب كل الصورة بتاعت البنات وتاخد صوري انا وبيعملوا بيها حاجات غلط !

آه ممكن يكون البنات اللى بيتركب صورها على صور اباحية فيه حد ممكن يكون مسلط حد تاني عليهم او حد بيعمل كده بدافع انتقام مثلا ! لكن انتي ضامنة كل الناس اللى حوليكي ؟

الاسلام لما جه وامر المرأة بالحجات والتعفف وحرم النظر ” مجرد النظر ” على المرأة مقالش كده بدافع من فراغ ! ولان الاسلام دين شامل ولان هو دين الحق فربنا عارف ايه اللى فى النفوس وازاي ممكن الشيطان يلعب بعقول البشر !

الاعتذار واجب :

اسف لكل الصور اللى تم عرضها وطريقة الكلام وبعض الالفاظ الصريحة التي تم ذكرها ..

الصور التي تم عرضها ليست بغرض التشهير لذللك تم تشفير الصور التي توجب علي تشفيرها .. لكنها بغرض النصحية ” نصيحة قاسية شوية ”

النهاية :

قولي ماتقوليه اعتبري ماسمعتيه لعبة .. كذب .. دعابة .. تأليف وغير حقيقي

فالشيطان لا ينصح البشر بل يضلهم !

لكنى سابقي انا بالسبة اليكي

الشيطان الذي قدم النصيحة

 

عن Ahmed Mamdouh

Ahmed Mamdouh
طالب بكلية طب الاسنان اهوى التدوين ومتابعة اخبار العالم والثقافة العامة كما اهوى البرمجة ومتابعة التقنية والاخبار التكنولوجية

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى