بسم الله الرحمن الرحيم

اكيد كل الاطفال بيحبو الفراخ و اكيد زهقنا من الطرق التقليديه بتاعتها واننا نعملها صنيه او بنيه

او حتي شاورما و اتكلمنا قبل كدا عن كريب الفراخ

و دلوقتي هنتكلم عن فكره جديده و هي برجر الفراخ

وهنا طريقتين لعمل هذا البرجر

برجر بالخضراوات

المقادير:-

•2 كوب صدور فراخ مفرومة
•بهارات مشكلة حسب الرغبة
•حزمة بقدونس مفروم
•2 ثمرة جزر مفروم
•بصلة صغيرة مفرومة
•فص ثوم مهروس
•ملعقة ملح صغيرة
•ملعقة كبيرة زيت
•2 بيضة

الطريقه:-

•  اخلطي الجزر والبصل والبقدونس مع بعضهم كويس جدا، وضيفي عليهم البيض والملح والبهارات والفراخ والثوم، واخلطيهم كويس لحد ما يكونوا عجينة متماسكة شوية.
•  شكلي العجينة على شكل أقراص، وحطيهم في صينية مدهونة بالزيت، ودخليها الفرن على درجة حرارة 180، وسيبيها لمدة 45 دقيقة.
•  هاتي العيش أو التوست اللي هتعملي فيه الساندويتشات، وحطي فيه البرجر، وممكن تضيفي عليه كاتشب أو مايونيز أو مستردة  والخس والطماطم المقطعه على حسب رغبتك..

الطريقه الثانيه

المقادير:-

•  مقدار فراخ مخلية{صدور او افخاد}
•  عدد 1 بيض
•  مقدار ملح
• فلفل اسود
•  ثمرة بصل مقدار
•  دقيق
• مقدار زيت للقلى

الطريقه :-

•   فرمت الفراخ ولخبطت كول المكونات مع بعض وعجنتها زى العجينة وكورتها وقمت مبططاها مدورة وغطستها فى دقيق
•  وقمت قلياها فى زيت خفيف وطلعتها من الزيت على ورق ليمتص الزيت
  وعملت منها ساندوتشات على السريع ومعاها شوية بطاطس محمرة
• هاتي العيش أو التوست اللي هتعملي فيه الساندويتشات، وحطي فيه البرجر، وممكن تضيفي عليه كاتشب أو مايونيز أو مستردة والخس والطماطم