طريقة عمل الزبادى

طريقة عمل الزبادى

التقييم :
1 Star2 Stars3 Stars4 Stars5 Stars (No Ratings Yet)
Loading...

من ألذ الوجبات عند الاطفال هو الزبادي فهو يعمل علي سرعة الهضم و الليونه فالأمعاء والكثير منا يلجأ الي شراء الزبادي من الخارج ولا نعلم ان هناك الكثير من الطرق التي يمكننا بها عمل الزبادي المنزلي وبطرق سهلة جدا وبسيطة دون اللجوء الي شراء الزبادي من الخارج او غيرها من الاشياء وقبل ان نتعرف علي طريقة العمل الزبادي نود ان نذكرك باهمية و فوائد الزبادي بالليمون كاحد طرق الاستفادة من الزبادي

المقادير :-

زبادي قهاوي.jpg0

  • ك لبن طازج
  • كوب زبادى غير طازجه ( بتاريخ أمس )

الطريقه :-

  • هنغلى اللبن ونسيبه لحد ما يبقى دافى ونعرف نلمسه بأيدينا 
  • يجب ان يكون دافى مش بارد ولا سخن
  • هنجيب كوباية الزبادى ونحطها على اللبن ونقلب كويس جدا بالمضرب السلك لحد ما تختفى كل الكتل بتاعة الزبادى
  • هنصب اللبن فى اكواب ونكون مدفيين الفرن حاجه بسيطه يعنى نشغله حوالى 5 دقايق ونطفيه ونحط فيه كوبايات الزبادى ونقفله ونسيبه من بالليل للصبح
  • وتانى يوم هيبقى جاهز ومتماسك حطيه فى التلاجه وبالهنا والعافيه

في حالة عمل زبادى لايت يبقى هنغلى اللبن ونسيبه فى التلاجه لتانى يوم وبعدها هنشيل القشطه وندفيه عالنار وهنعمله بنفس الطريقه اللى فاتت

بعض الاشياء التي تحبب الآطفال فالزبادي البيتي :-

  1. هتحطى كيسين فانيليا على اللبن قبل ما تصبيه فى الكوبايات هتديكى طعم وريحه جميله جدا للزبادي 
  2. هاتى بعض قطع من الفواكه وحطيها فى الكوبايه وصبى عليها الزبادى وكده هيبقى عندك زبادى بالفاكهه ولو حابه اللون
  3. بتاع بره ممكن تدوبى شوية من بودرة الجيلى بالنكهه اللى ولادك بيفضلوها فى اللبن وقبل ما تصبيه فى الكوبايات
  4. هاتى اى نوع مربى ولادك بيحبوها وحطيها فى الكوبايه قبل الزبادى وكده بقى عندك زبادى بالمربى
  5. اما يستوى الزبادى حطى عليه بدل السكر عسل اسود وقلبيه هتلاقى طعم تحفه وكمان فوايد مالهاش عدد (كالسيوم وحديد)
  6. هاتى اى نوع فاكهه(فراوله او موز ) قطعيها وحطى عليها لبن وزبادى وسكر واضربى كويس وكده بقى عندك زبادو احسن من بتاع بره كمان وخالى من اى اضافات صناعيه ومشروب ينفع للفطار او للسحور ودى صوره للزبادو كنت مصوراها من فتره

عن Rehab Mamdouh

Rehab Mamdouh

اضف رد

لن يتم نشر البريد الإلكتروني . الحقول المطلوبة مشار لها بـ *

*

إلى الأعلى